"Talleres na rúa", actividades de verán na praza Alfredo Romay até o 16 de xullo

A praza Alfredo Romay Besada de Samieira acolle, dende hoxe até o vindeiro 16 de xullo, a actividade "Talleres na rúa", unha iniciativa que integra varios obradoiros de manualidades, ocio e creatividade dirixidos a nenos/as e mozos/as.

A proposta, promovida polas concellerías de Benestar Social e Xuventude do Concello de Poio, intégrase dentro do programa de talleres itinerantes de verán que percorrerá as parroquias do municipio. O seu obxectivo é proporcionar aos rapaces/as unha alternativa lúdica para o tempo de lecer durante as vacacións estivais.

Para participar non é necesaria inscrición previa. A actividade é aberta e gratuíta e desenvolverase en horario de mañá, de 11.00 a 13.00 horas.