Choque entre dous turismos na recta do Laño

Dous turismos protagonizaron este mércores pola tarde unha nova colisión na avenida do Laño, nas inmediacións do punto quilométrico 9. O accidente produciuse sobre as 20.15 cando un dos vehículos, que viraba da PO-308 cara o camiño Sobreiras, viuse sorprendido por outro que circulaba en dirección Sanxenxo.

O impacto produciulle danos no lateral ao turismo que manobraba e diversos estragos no frontal ao outro vehículo. Afortunadamente o choque foi leve e as persoas que viaxaban en ambos os turismos, dous grupos de mozos/as, non sufriron danos.

Interseccións sen sinalizar, adiantamentos e velocidade máxima de 80

Este novo accidente na zona disparou unha vez máis as críticas da veciñanza, que considera que a seguridade viaria neste tramo da PO-308 está comprometida pola falta de medidas preventivas. O lugar ten establecida unha velocidade máxima de 80 quilómetros/hora, carece de sinalización nas interseccións e ten permitidos os adiantamentos. Segundo relatan, hai tempo que se rexistran este tipo de accidentes no tramo e a denuncia da situación ante as administracións competentes non reportou ningunha variación.

Novas relacionadas:

SAMIEIRA DIXITAL, 12.06.2014: "Catro feridos leves nun choque por alcance na recta do Laño"
FARO DE VIGO, 05.05.2014: "Ferido un motorista nun accidente na PO-308, en Poio"
SAMIEIRA DIXITAL, 05.05.2014: "Un accidente entre un turismo e unha moto en Samieira sáldase cun ferido"
FARO DE VIGO, 08.03.2014: "Unha parella de anciáns, ferida tras encaixarse contra un muro".
FARO DE VIGO, 24.11.2012: "A PO-308 é escenario dun novo accidente cunha colisión entre dous vehículos en Samieira".