Pinga Teatro representa este sábado "Croac" na Casa do Pobo

O vindeiro sábado día 26 de abril a compañía viguesa "Pinga Teatro" representará en Samieira a obra "Croac". A montaxe, unha comedia teatral apta para todos os públicos, ten como protagonista á ra Margarida, unha habitante dun estanque no bosque moi pouco respectuosa co medio.

Con grandes doses de humor, a representación, interpretada por María Carrera, Miquel Condal e Manuel Cao, xira arredor da necesidade de coidar da nosa contorna, incidindo na conciencia medioambiental dos/as asistentes.

O evento, organizado pola SCD Samieira en colaboración co Concello de Poio, comezará ás 19.00 horas no salón de actos da Casa do Pobo.

Un momento da representación da obra "Croac" de Pinga Teatro