Quentando motores... todo listo para as festas do Entroido

Grupo do Carnaval de Samieira (2012)

Logo de moitos meses de preparación, de argallar ideas para a posta en escena máis orixinal, esta fin de semana arrinca en Samieira a festa colectiva máis singular: o Entroido.

A celebración comezará o domingo ás 12.00 horas co habitual desfile de disfraces que como cada ano percorrerá o pobo desde Arén até Río de Bois.

A creatividade e a diversión virán da man de múltiples persoaxes, do numeroso "Grupo do Carnaval de Samieira", da comparsa "Clave de Sol" e da divertida agrupación dos máis pequenos/as da parroquia, o "Grupo Miúdo". Todos eles/as participarán, cunha variedade de xeitos de se disfrazar, nun desfile con estilo propio contaxiando o espíritu trouleiro e canallán a todo o/a que se achegue a presencialo.

A festa continuará o sábado 7 de marzo pola tarde coa despedida do Galo Bruxo: velorio, queima e filloada popular.

Samieira, Entroido 2014