30 e 31 de outubro: Actividades do Samaín

As cabazas do Samaín toman estes días o protagonismo nos centros escolares a través da programación de numerosos actos relacionados coa tradicional celebración. A SCD de Samieira tamén se suma a este ambiente de celebración "terrorífica" organizando dúas xornadas de actividades, dende o mércores 30 até o xoves 31.

Na primeira xornada, o mércores, realizaranse manualidades, xogos, obradoiros de maquillaxe e de decoración de cabazas orientados aos máis cativos e cativas. Na segunda, o xoves, celebrarase unha festa de disfraces na que a música, as vestimentas e a imaxinación contribuirán a "pasalo de medo".

Todas as actividades comezarán ás 18.00h na Casa do Pobo de Río de Bois.