Axudas Públicas e Convocatorias en prazo de presentación

Recompilación de axudas públicas de carácter social e asistencial e convocatorias da administración autonómica que teñen aberto o seu prazo de presentación. Para máis información, preme nos recadros das normativas ou descárgaas directamente en formato pdf.

Axuda económica por fillos e fillas menores de 3 anos

Prestación económica por fillo/a menor de tres anos co fin de paliar os gastos dos primeiros anos de crianza.

Prazo máximo de solicitude: Até o 11 de maio de 2013.

Orde do 26 de marzo de 2013 pola que se establecen as bases que rexerán a concesión da prestación económica de pagamento único por fillas e fillos menores de tres anos para o ano 2013.

Convocatoria de prazas xuvenís dentro do programa Campaña de verán 2013

Convocatoria de prazas para actividades de tempo libre de carácter sociocultural, recreativo, deportivo, formativo e convivencial para a mocidade galega de entre 9 e 35 anos. Realízanse nos meses de xullo e agosto, tanto en Galicia como noutras comunidades autónomas. Na programación inclúense: campamentos xuvenís para menores de 18 anos; o uso en oferta concertada das instalacións xuvenís; actividades para maiores de 18 anos; campos de traballo en España e no estranxeiro; e accións de reencontro con mozos e mozas descendentes de galegos residentes no exterior.

Prazo máximo de solicitude: Até o 15 de abril de 2013.

Oferta de prazas nas actividades:

Orde do 21 de marzo de 2013 pola que se regula a oferta de prazas xuvenís dentro do programa Campaña de verán 2013 da Dirección Xeral de Xuventude e Voluntariado e se procede á súa convocatoria.

Regulación do uso de instalacións xuvenís:

Orde do 21 de marzo de 2013 pola que se regula o uso de instalacións xuvenís dependentes da Consellería de Traballo e Benestar, en réxime de oferta concertada, durante a Campaña de verán 2013.

Axudas para a formación en linguas estranxeiras do alumnado dos centros docentes sostidos con fondos públicos

Axudas para a realización de actividades de formación lingüística durante o ano 2013 dirixidas á mellora das competencias en linguas estranxeiras do alumnado de 1º, 2º, 3º e 4º da ESO; 1º ou 2º de bacharelato e ciclos formativos de grao superior, que teñan un módulo profesional de lingua estranxeira no seu currículo.

Prazo máximo de solicitude: Até o 22 de abril de 2013.

Orde do 18 de marzo de 2013 pola que se convocan axudas para a realización de actividades de formación en linguas estranxeiras no ano 2013, destinadas ao alumnado dos centros docentes sostidos con fondos públicos.

Axudas de apoio a mulleres que sofren violencia de xénero

Prestación económica periódica dirixida ás mulleres que sofren violencia de xénero dirixida a posibilitar a súa autonomía e independencia económica respecto do seu agresor.

Prazo máximo de solicitude: Até o 31 de outubro de 2013.

Orde do 2 de abril de 2013 pola que se regulan as bases para a concesión das axudas periódicas de apoio a mulleres que sofren violencia de xénero e se procede á súa convocatoria para o ano 2013.

Axudas de carácter socioeconómico do sector pesqueiro

Xubilacións anticipadas, primas por reconversión, axudas para traballadores e traballadoras afectados por plans de axuste da frota pesqueira e para a compra do primeiro barco.

Prazo máximo de solicitude: Até o 2 de maio de 2013.

Convocatoria 2013

Orde do 18 de marzo de 2013 pola que se convocan para o ano 2013, en réxime de concorrencia competitiva, axudas de carácter socioeconómico cofinanciadas nun 75 % co FEP.

Bases reguladoras das axudas

Orde do 6 de maio de 2010 pola que se modifican as bases reguladoras para a concesión, en réxime de concorrencia competitiva, de axudas de carácter socioeconómico cofinanciadas co Fondo Europeo de Pesca.

Axudas vinculadas coas comunidades galegas no exterior

Axudas destinadas a emigrantes residentes no exterior e aos seus familiares en Galicia para atender situacións de emerxencia social ou sanitarias sobrevidas que precisen dunha actuación urxente. Sufraga necesidades básicas en relación á alimentación, o vestido, á vivenda habitual ou outros supostos de carácter urxente e grave necesidade; necesidades graves e urxentes de carácter sanitario, non cubertas ou solo cubertas parcialmente polos sistemas públicos; e os custos das viaxes por razóns de interese social, asistencial ou humanitario que teñan que realizar os beneficiarios e beneficiarias.

Prazo máximo de solicitude: Até o 30 de novembro de 2013.

Resolución do 6 de marzo de 2013, da Secretaría Xeral da Emigración, pola que se establecen as bases reguladoras para a concesión de axudas de emerxencia social e para a realización de viaxes por razóns de interese social, asistencial ou humanitario e se procede á súa convocatoria para o ano 2013.